Nadugangan sang tatlo ka mga hepe sa probinsya sang Iloilo ang ginpang-reshuffle samtang nagahilapit ang May 9, 2022 elections.
sa interview sang Bombo Radyo kay Iloilo Police Provincial Office (IPPO) Director PCol. Adrian Acollador, iya ginpahayag nga ang ini nga mga hepe ang nakadestino anay sa Oton Municipal Police Station, San Enrique Municipal Police Station kag Barotac Viejo Municipal Police Station.
Antes pa man ang election period sang Enero 9 suno kay Col. Acollador, nakapang-reshuffle na ang PNP sang iban nga mga kapulisan.
Si PMaj. Robert Jason Pancha sang Oton MPS ang mangin hepe na sang San Enrique MPS.
Si PMaj. Ken Albert Lepsia sang Barotac Viejo MPS ang mangin hepe na sang Oton MPS.
Si PMaj. Gilbert Baldevarona sang San Enrique MPS ang mangin hepe na sang Barotac Viejo MPS.
Dugang ni Acollador, ang mga nasambit nga hepe ang nakaserbe na sang kapin duha ka tuig sa ila anay areas of assignment.
