Nakaabot na ang dugang nga mga myembro sang Team Philippines sa Bangkok, Thailand, duha ka adlaw antes sang opening sang 33rd Southeast Asian Games 2025.
Ang Team Philippines magapadala sang 1,168 ka atleta nga maga-compete sa 50 ka mga hampang, kun sa diin ini ang pinakamadamo nga delegasyon nga ginpadala sang Pilipinas para sa SEA Games.
Natalana nga mangin flag‑bearers sang Pilipinas sa opening ceremony sanday Bryan Bagunas kag Alex Eala.
Ang delegasyon ginasakupan sang mga atleta, coaches, kag opisyal, kun sa diin may kabug-usan nga 1,600 ka delegasyon ang magatambong sa isa sa pinakadako nga sports event sa Southeast Asia.
Daku ini nga oportunidad para sa mga atleta sang Pilipinas nga ipakita ang ila abilidad kag madala ang kadalag-an para sa pungsod, Pilipinas.
