ILOILO CITY – Nadugangan pa ang military factory sang Ukraine nga gin-igo sang air strike sang Russia, isa ka adlaw pagkatapos nga nagpaandam ang Moscow nga magapadayon ang pagpang-atake sa nagakalma na nga sitwasyon sa Kyiv.
Nagtuhaw ang aso nagikan sa distrito sang Darnyrsky sa Southeast sang Kyiv bangud sang “high-precision long-range” strikes sa armaments plant.
Suno kay Kyiv mayor Vitali Klitschko, padayon pa nga ginahibalo sang otoridad kun bala, may yara sang napilasan sa amo nga insidente.
Sang nagligad nga adlaw, isa man ka factory sang Neptune missiles sang Ukraine ang ginbombahan sang Russia pagkatapos nga ginguba sang Ukraine ang Black Sea naval flagship sang Russia nga ginatawag nga Moskva.
