ILOILO – May yara sang mga exemption sa ginpaguwa nga Executive Order ni Iloilo Gov. Arthur Defensor Jr. may kaangtanan sa pagpatuman sang dugang nga quarantine procedures kag disease prevention and control measures bangud sa Coronavirus Disease 2019 (COVID-19) sa mga barangay, syudad ukon banwa nga ginapaidalom sa Enhanced Community Quarantine.
Sa interview sang Bombo Radyo kay Defensor, iya ginpahayag nga lima ang exemptions nga nakasaad sa iya ginpirmahan nga Executive Order No. 100.
Suno kay Defensor, lakip sa exempted sa travel restrictions amo ang mga masunod:
-Government officials, employees ukon personnel nga may yara sang official travel
-Health Emergency responders kag indibidwal nga may yara sang emerhensya
-Medical and Health personnel ukon Humanitarian workers nga may official travel
-Authorized person nga kinahanglan magpadulong sa mga lugar nga ginapaidalom sa quarantine kag
-Mga indibidwal nga nagahatag sang frontline services kag ang mga naganegosyo sa allowed establishments
Ginapahanugutan man ang carriers, transport vehicles ukon delivery trucks apang kinahanglan nga magsunod sa strict quarantine procedures.
Pahanugutan man nga makapauli ang na-stranded sa mga lugar nga ginpaidalom sa quarantine.
Ang nasambit nga Executive Order ang mangin epektibo umpisa buwas nga adlaw, Abril 3.
Nahibalu-an na ginkumpirma sang Department of Health nga may yara na sang local transmission sa banwa sang Guimbal kag Lambunao kun sa diin ginapatuman ang strict home quarantine.
