ILOILO CITY – May yara sang dugang nga sakayang pandagat nga magabiyahe Iloilo-Guimaras vice versa agud nga makatabok ang mas madamu nga pasahero nga na-stranded sa Jordan Wharf.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga umpisa buwas nga adlaw, Agosto 13, tatlo ka RORO vessel, tatlo ka Fascraft kag dugang nga vessel gikan sa Philippine Coast Guard kag Philippine Navy ang magabiyahe.
Pagkasunod nga adlaw, Agosto 14, magabiyahe ang tatlo ka fast craft nga MV “YOHAN BLUE” nga may maximum nga 270 passengers, MV “YOHAN GREEN” nga may maximum nga 286 passengers kag MV “YOHAN WHITE” nga may maximum nga 320 passengers.
Magluwas diri suno kay Treñas, ginmandu ni Department of Transportation Sec. Arthur Tugade nga may yara sang deployment sang personnel sang Maritime Industry Authority, Philippine Ports Authority kag Philippine Coast Guard para may yara sang magagiya sa mga pasahero.
