ILOILO – Tuman ang pagpasalamat sang mga succesful blood donors sa ginpatigayon nga Dugong Bombo 2021 sa Miag-ao, Iloilo.
81 ang succesful blood donors sa bloodletting activity nga ginpatigayon kaupod ang local government unit sang Miag-ao, Philippine Red Cross kag Bombo Radyo Iloilo.
Sa interview sang Bombo Radyo kay Mr. Anthony Selorio, Municipal Tourism Officer, iya ginpahayag nga indi mabayluhan ang iya kasadya matapos madamo ang nagpadulong sa Justice Ramon B. Britanico Memorial Hall agud magdonar sang ila dugo.
Suno kay Selorio, nahangpan niya nga dako ang pagkinahanglan sang dugo sa tunga sang ginapangatubang nga pandemya.
Hugot man nga ginpatuman ang pagsuksok sang face mask, face shield kag iban pa nga health protocol.
