ILOILO CITY – Magapatigayon sang bloodletting activity ang Guardians Brotherhood Inc.- Pintados Chapter kaupod ang Bombo Radyo Iloilo sa Byernes, Marso 18 sa Passi City Arena.
Sa interview sang Bombo Radyo kay Engr. Sherwin Palmares, presidente sang Guardians Brotherhood Inc.- Pintados Chapter, iya ginpahayag nga naglab-ot na sa 250-300 nga myembro sang ila grupo ang nagpahayag nga magabuylog sa nasambit nga community service in partnership sa Philippine Red Cross.
Naglab-ot sa 17 ka mga chapters sang grupo sa syudad sang Passi kag ang tanan nga myembro ang nagpahayag nga maga upod.
Nagpanawagan naman si Palmares sa tanan nga Passinhon nga mag upod sa bloodletting activity.
