Magapatigayon na naman sang panibag-o nga hugnat sang Dugong Bombo ang Bombo Radyo Philippines sa syudad sang Passi subong nga adlaw, las 7 sang aga.
Kaupod sa sini nga aktibidad ang Philippine Red Cross kag Local Government Unit sang Passi City.
Sa interview sang Bombo Radyo kay Azucena Torilla, focal person sang syudad, iya ginpahayag nga ang patigayunon nga bloodletting activity ang ika-apat na nga aktibidad subong nga 2021.
Ini ang pagahiwaton sa Barangy Malag-it Grande kag paga-updan sang 11 ka iban pa nga mga barangay.
Suno kay Torilla, mayor nga katuyuan sang LGU amo nga mabuligan ang mga indigents nga indi na magpalibog pa kun kinahanglan sang dugo.
Sa subong dugang niya, may yara sang bastante nga supply sang dugo ang syudad sang Passi.
