PASSI CITY – Patigayunon subong nga adlaw, ang Dugong Bombo ukon blood letting activity sa Passi City.
Sa exclusive interview sang Bombo Radyo kay Passi City Mayor Stephen Palmares, iya ginpahayag nga all set na ang blood letting sang Bombo Radyo Iloilo kaupod ang local government unit sang syudad kag Philippine Red Cross.
Suno kay Palmares, himuon ang aktibidad sa Passi City Arena kun sa diin malapad ang area kag masunod sang maayo ang mga minimum health protocols batok sa COVID-19 transmission.
Lakip sa ila hugot nga ipatuman amo ang pagsuksok sang face mask, social distancing, kag disenfection bag-o magsulod sa lugar.
Pahayag sang natungdan, 300 ang target nga successful blood donors samtang 150 naman sa Nobyembre 27.
Maga-umpisa naman ang bloodletting activity las 9:00 subong nga aga.
