Sa Dumangas, Iloilo, patigayunon ang labing-una nga Dugong Bombo subong nga tuig 2021.
Naka-schedule ang aktibidad sa Enero 8 sa Dumangas Gymnasium.
Sa interview sang Bombo Radyo kay Dumangas Mayor Ronaldo Golez, iya ginpahayag nga patigayunon ang bloodletting activity kaupod ang Liga ng mga Barangay -Dumangas Chapter kag ang Philippine Red Cross.
Suno kay Golez, kapin 100 ang target sang local government unit nga successful blood donors apang gina-schedule gid sang maayo nga indi magginutok ang mga tawo agud masunod ang physical distancing kag iban pa nga minimum health protocols batok sa COVID-19.
“Let us save lives by donating blood. This is a program para sa kaayuhan sang aton nga banwa. Please come ang join us sa sini nga kawsa,” pagpangagda ni Mayor Golez.
