Madamo na naman nga mga kabuhi ang masugpunan bangud may yara liwat sang patigayunon nga blood letting activity ang Dugong Bombo sang Bombo Radyo Philippines kaupod ang banwa sang Dumangas, Iloilo, Liga ng mga Barangat-Dumangas chapter kag Philippine Red Cross subong nga adlaw, 8:00 sa aga.
Sa interview sang Bombo Radyo kay Ruben Talon, Vice President sang Liga ng mga Barangay-Dumangas Chapter, iya ginpahayag nga madamo na ang nagpasalig nga magadonar sang dugo agud nga makabulig man sa ila isig-kapareho.
Ang blood letting activity sang Dumangas ang may tema nga “Dugo Mo, Kabuhi Ko” sa diin ini ang pagahiwaton sa Dumangas Gymnasium.
Una na nga ginpahayag ni Mayor Ronaldo Golez nga kapin 100 ang target sang local government unit nga successful blood donors kag ginasiguro nga indi magginutok ang mga tawo agud masunod ang physical distancing kag iban pa nga minimum health protocols batok sa COVID-19.
