ILOILO – Pagahiwaton na sa Disyembre 17 ang Dugong Bombo, Dugo Mo Kabuhi Ko, ang bloodletting activity sa Alimodian, Iloilo.
Sa interview sang Bombo Radyo kay Mayor Gefree ‘Calay’ Alonsabe, iya ginpahayag nga patigayunon ini sa bulig sang local government unit sang Alimodian, Iloilo, Philippine Red Cross kag Western Visayas Medical Center (WVMC) blood bank.
Suno kay Alonsabe, hiwaton ang aktibidad sa covered gym sa Alimodian public market.
Pahayag ni Alonsabe nga maga-umpisa ang bloodletting activity las 9:00 sa aga.
Nagapati man ang alkalde nga tuman ka importante ang dugo sa mga nagakinahanglan gani nagalaum siya nga madamo ang magadonar sini.
