ILOILO – Handa na ang patigayunon nga bloodletting activity sa Oton, Iloilo sa bulig sang Dugong Bombo sang Bombo Radyo Philippines, Local Government Unit sang banwa kag Philippine Red Cross sa Disyembre 11.
Sa interview sang Bombo Radyo kay Jafet Salinas, COVID-19 focal person sang Oton, Iloilo iya ginpahayag nga sa isa ka mall hiwaton ang blood letting activity las 8:00 ang takna sang aga.
Suno kay Salinas, ini na ang ikatatlo nga hugnat sang Dugong Bombo sa sini nga tuig sa nasambit nga banwa kag ginalauman nga yara man sa gihapon ang kahandaan sang mga blood donors nga magpasakop sa aktibidad.
Pahayag ni Salinas nga ang bloodletting activity ang bukas sa tanan nga luyag magdonar sang ila dugo kag dako ini nga bulig ilabi na subong nga tuman kabudlay mangita sang dugo.
Dugang pa sang natungdan nga madamo sang tawo ang nagakinahanglan sang dugo rason nga tuman man ini ka importante.
