Patigayunon sa Disyembre 16, ang Dugong Bombo ukon blood letting activity sa Passi City.
Sa exclusive interview sang Bombo Radyo kay Passi City Mayor Stephen Palmares, iya ginpahayag nga all set na ang aktibidad in partnership with Bombo Radyo kaupod ang local government unit sang Passi kag Western Visayas Medical Center (WVMC) blood bank.
Suno kay Palmares, ang nasambit nga kahiwatan ang updan man sang Passi City Government Employees Association.
Hiwaton suno kay Palmares ang aktibidad sa Passi City Arena sa diin hugot man nga ipatuman ang mga health protocol.
Pahayag sang natungdan, nga ginalauman man niya nga madamo sa liwat ang magadonar sang dugo agud mabuligan ang mga pumuluyo nga nagakinahanglan sini ilabi na sa subong nga panahon.
Maga-umpisa ang bloodletting activity las 7:00 sa aga sa Myerkules.
