Patay ang duha ka mga babaye matapos nga ginlapak sang dump truck sa national highway sang Brgy.Talobatib, Labo, Camarines Norte.
Ang mga biktima amo sanday alyas “Rosa”, 32-anyos kag “Tina”, 42-anyos, kag pareho nga pumuluyo sa Brgy. Dalnac, Paracale.
Ang driver naman sang truck amo si alyas Gilbert.
Base sa imbestigasyon, sakay sa motorsiklo ang mga biktima kun sa diin si Rosa ang nagamaneho si Tina naman ang nagaangkas.
Gintuyo sang mg biktima nga mag-overtake sa ginasundan nga salakyan apang natumba ang ila motorsiklo.
Nagtabok ang duha sa pihak nga lane kag wala nakapreno ang nagapadulong nga truck rason nga nalasakan gid ang mga ini.
Nagsungka naman sa mga pulis ang driver sang truck kag nagapangatubang sang kaso nga reckless imprudence resulting in multiple homicide and damage to property.
