MANILA – Kon ano kabaskog ang daludo sang tubig samtang yara si Bagyong Carina, amo man ang pagtodo pamwersa sang duha ka babaye, agud nga mapaguwa ang ila nga bata!
Duha ka kababainhan ang wala napunggan nga magbata samtang nagabaha bangud sa malain nga panahon nga dala ni Super Typhoon Carina.
Pila ka mga kababainhan ang nagbata kadungan sang height sang bagyo Habagat kag bagyo Carina sa Metro Manila kag isa sa ila, ang sa evacuation center nagbata.
Santo sa isa ka report nagsiling nga ang ginang nga si Maria Teresa Ragul nagbata sa isa ka evacuation center sa northern part sang Metro Manila.
Matapos nga ma-rescue sa ila puluy-an, si Ragul, ang nagbun-ag sang isa ka lapsag nga babayi sini nga Miyerkules, kag nagasiling nga ila nadesisyonan nga ang lapsag pagahingalanan nga “Carina” kasunod sang bagyo.
Samtang isa naman ka iloy ang nagbata sa sulod sang balay nga wala na madala sa ospital bangud man sa ginbaha ang ila lugar sa Barangay Talayan, Quezon City sang nagligad nga Miyerkules.
Sa separado nga report, ginpahayag nga pasado las 6:00 sang aga nag-awas ang tubig sa San Juan River nga kadungan sang pagkatawo ni Mikaela Bravo.
Sa istorya ni Dave, bana ni Mikaela, sang alas kwatro ginsugid niya sa iya lola nga nagasakit ang iya tiyan sang iya asawa, kon sa diin, wala sang baha sadto nga oras.
Apang, sang alas sais na, madasig nga nagtaas ang baha amo nga indi gilayon nga madala ang iya asawa sa ospital, rason nga didto ini nagbun-ag sa ila puluy-an.
Sa subong, si Mikaela, ang gindala sa ospital, yara na sa maayo nga kahimtangan, kag ang iya lapsag nga lalaki, ang ginpangalanan nga David Esther.
