Paano ma-resolba kun halimbawa nag-tie ang duha ka kandidato sa eleksyon?
Sa Rogers City sa Michigan sa Estados Unidos, wala na sang madamo nga gamo ang duha ka babayi nga pareho nga nakakuha sang 616 nga boto sang nagpadalagan bilang councilor.
Gindesisyunan nga magabot sila sang papel nga ginbutang sa bowl.
Naswertehan nga nagabot ni Timeen Adair ang papel nga may sulat nga “elected.”
Nakabutang naman ang “not elected” sa papel nga nagabot sang iya kasumpong nga si Brittany VanderWall.
No hard feelings… nagkup-anay ang duha matapos ang draw.
Antes pa man naggabot ang papel, nagpahayag na si VanderWall nga bisan sin-o man sa ila ang maswertehan, daog sa gihapon ang ila syudad kag pareho man nga satisfied sa ila nga duha bangud pareho ang numero sang boto nga ila nakuha.
Ginpanginbulahan sini si Adair kag nagpahayag nga makit-anay lang ugaling sila sa masunod nga eleksyon.
