CONCEPCION, ILOILO – Natupok sang kalayo ang duha ka balay sa Barangay Poblacion, Concepcion, Iloilo subong lamang nga gab-i.
Sa interview sang Bombo Radyo kay Sr. Fire Officer 1 Teodemar Vernante, iya ginpahayag nga naghalin ang sunog sa balay ni Glenda Mae Garcia kag naglapta ang kalayo sa balay ni Pearl Lucenio.
Suno kay Vernante, base sa inisyal nga impormasyon, kandila ang ginhalinan sa sunog.
Apang sa subong padayon sa gihapon ang ginahimo nga imbestigasyon agud matul-id kag makumpirma ang rason sang sunog.
Ang balay ang human sa light kag concrete materials.
