Sa sulod sang isa lang ka gab-i, duha ka daku nga kadalag-an ang nahimo sang Pilipinas matapos ginlutos sini ang duha man ka defending gold medalists sa men’s kag women’s football competition sa Southeast Asian (SEA) Games.
Naka-abante ang men’s national team sa semifinals. Ini ang una nga tion nga nakasulod ang Pilipinas sa final four sang men’s football competition sa amo nga biennial meet sa sulod sang 34 ka tuig.
Nahimo ini sang Pilipinas matapos ang 1-0 win paagi sa header ni Otu Banatao antes magtakop ang half-time batok sa Indonesia.
Sa pihak nga bahin, buhi naman ang paglaum sang Philippine Women’s National Football Team nga makasulod man sa semifinals.
Ginlutos sang team ang reigning champions nga Vietnam, 1-0, paagi kay Mallie Ramirez.
Ikaduha subong ang women’s team sang Pilipinas sa Group B sunod sa Myanmar. Balantayan ang must-win match sang Filipinas batok sa Malaysia sa Huwebes, Disyembre 11, sa IPE Chonburi Stadium.
Sa men’s competition naman, may tyempo pa nga makapahuway ang players sang pungsod antes ang semifinals sa Disyembre 15 sa Bangkok.#
 Games.){kind=link}