Nangin biktima sang pagpang-atake ang duha ka mga Pinoy sa duha ka separado nga insidente sa Midtown Manhattan sa New York City.
Ang una nga biktima amo ang 73 anyos nga Pilipino nga gin-sakit sa 8th Avenue, New York.
Base sa video nga ginpagwa sang New York Police Department Crime Stopper, gintiklod sang suspek ang biktima tubtob nga natumba ini.
Nakaagum sang mga pilas sa guya ang pinoy kag padayon nga ginabulong.
Ang ikaduha nga biktima amo ang 53 anyos nga Pillipino nga gin-atake sa isa ka food chain sa Midtown, New York.
Sa video sang NYPD Crime Stopper makita nga samtang naga-order sang pagkaon ang bitima gilayon lang ini nga ginpalapitan sang suspek ka ginpahog.
Gintapungol kag ginsipa pa gid tubtob nga nakuha ang iya kwarta kag cellphne.
Nakaagum ini sang pilas sa iya lawas ka gilayon nga gindala sa ospital.
Ini na ang ika 34 nga Pilipino nga gin-atake suno sa Consulate General sa New York.
Ginakahangaw-an naman sang pila pa ka mga Pilipino ang magsakay sa subway bangud sa kakulba nga mangin biktima sang hate crimes sa New York City.
Ang mga Pilipino kag Asian community ang magapatigayon man sang rally sa Manhattan agud nga kundinahon ang nagakatabo nga pagang-atake.
