SAN JOAQUIN, ILOILO – Duha ka edipisyo ang nakitaan sang superficial crack kasunod sang asud-asud nga pagtay-og sang linog sa San Joaquin, Iloilo.
Sa interview sang Bombo Radyo kay Kenneth Lacerna, Municipal Disaster Risk Reduction and Management Officer sang San Joaquin, Iloilo, iya ginpahayag nga humalin pa kagab-i ang nabatyagan nga pagtay-og kag ini ang nagtuga sang kakugmat sa mga residente.
Suno kay Lacerna, wala sang major damage nga na report magluwas lang sa San Joaquin Mother and Child District Hospital kag isa ka day care center nga nakitaan sang superficial crack.
Gin-athag sang natungdan nga may yara na nga daan sang litik ang duha ka edipisyo apang naglala lang bangud sa linog apang wala sang dapat nga kahangaw-an bangud nga wala ini sang epekto sa structural integrity sang building.
Santo sa data sang MDRRMO, ang sentro sang linog ang yara sa dagat rason nga wala ginadula ang posibilidad nga may magluntad nga tsunami.
