Ginbawian gid sang kabuhi ang duwa ka mga estudyante sa Antique matapos nga gin-arado sang van ang isa ka balay sa Barangay Cadajug, Laua-an, Antique kaina sang aga.
Ang mga napatay amo sanday Geiril Farajillo Templora, 21-anyos, residente sang Barangay Guinsang-an, Hamtic kag Kristinelle Granada Estandarte, 20-anyos, residente sang District 1, Sibalom, Antique.
Mga estudyante sang University of Antique ang mga ini.
Magluwas sa duwa nga napatay, may siyam pa ka mga pilason sa aksidente.
Base sa imbestigasyon sang Sibalom Municipal Police Station, naghalin ang van sa Culasi sakay ang 12 ka mga pasahero kalakip ang driver.
Padulong ang mga ini sa Sibalom para mag-intra sa dance competition bilang kabahin sang selebrasyon sang Linggo ng Kabataan.
Ginpahayag nga madasig ang dalagan sang van.
Pag-abot sa lugar, nakabunggo ini sa naka-park nga jeep antes nagbaliskad.
Gindeklarar nga dead-on-arrival ang duha ka estudyante.
Padayon naman nga ginabulong ang iban pa nga mga biktima.
