𝗠𝗔𝗡𝗜𝗟𝗔 —Madamo sang mga social media users ang nagpamangkot ko ngaa ang duha ka Filipino Olympic gymnasts nga sanday Aleah Finnegan kag Emma Malabuyo ang wala sa reception sa Malacañang Palace sang Agosto 13 kag sa heroes’ parade sa Manila sang Agosto 14.
Gilayon naman nga nagsabat si Aleah Finnegan nga wala sila ginpahibalo nahanungod sa amo nga kahiwatan rason nga wala sila nakakadto.
Dugang pa ni Aleah nga “luyag gid niya mag-upod” sa selebrasyon nga natabo.
Samtang ang isa naman ka fan ang nagmangkot man kon ngaa wala makatambong si Emma Malabuyo sa Heroes’ Welcome, sa diin nagsabat siya nga luyag niya kuntani magkadto, apang wala siya ginsugiran nahanungod sa kahiwatan.
Sa mga bag-o nga TikTok videos, nagapakita nga si Emma yara sa Pilipinas samtang si Aleah ang yara man sa pungsod.
Sanday Aleah, Emma, kag Levi Jung-Ruivivar ang una nga babaye nga gymnasts nga nagrepresentar sa Pilipinas sa Olympics sa sulod sang anum ka dekada.
Ang mga gymnast nagtapos sang ila pasundayag sa Paris 2024 nga si Finnegan yara sa ika-47 nga pwesto, si Malabuyo sa ika-41, kag Jung-Ruivivar sa ika-40 nga pwesto sa Women’s Artistic Gymnastics All-Around.
Sang nag-abot sa pungsod ang mga Filipino Olympians, gin-abi-abi sila ni Presidente Ferdinand Marcos Jr., kon sa diin, ang First Family sa Palasyo sang Malacañang naghatag sang P1 million ang tagsa ka atleta.
