LUXEMBOURG – Duha ka foreign ministers ang nagpositibo sa COVID-19 pagkatapos magtambong sa European Union meeting.
Ang nasambit nga mga opisyal amo ang foreign minister sang Austria kag Belgium.
Sa ginpatigayon nga pagsinapol sang EU Foreign Affairs Council sa Luxembourg, magka-iping sang pulungkuan sanday Alexander Schallenberg sang Austria kag Sophie Wilmes sang Belguim.
Suno naman kay Wilmes, nagguwa ang resulta sang iya RT-PCR test isa ka adlaw matapos makabatyag sang sintomas sang COVID-19.
May kaangtanan diri, nagnegatibo naman sa COVID-19 si German Foreign Minister Heiko Maas kag French Foreign Minister Jean-Yves Le Drian samtang magapaidalom naman sa work at home si Swedish Foreign Minister Ann Linde tubtub mag-abot ang resulta sang iya RT-PCR test.
