ILOILO CITY- Indi makahampang ang duha ka mga key players sang Iloilo team sa Football Secondary sa Western Visayas Regional Athletic Association Meet 2024 sa Negros Occidental.
Ini amo sanday Novie Christian Paraiso nga forward striker kag Toto Gabersa nga midfielder.
Sa interview sang Bombo Radyo kay Manolito Paraiso, amay ni Novie Christian, iya ginpahayag nga nag-angkon ini sang ankle injury sa practice samtang si Gabersa naman ang nag-angkon sang injury samtang nagapatigayon sang training.
Suno kay Paraiso, sa pihak sang injuries, positibo ini nga masarangan sa gihapon sang Iloilo team nga magmadinalag-on.
Nahibaluan nga defending champion ang Iloilo sa Western Visayas Regional Athletic Association Meet sa patag sang football.
Ang football team sang Iloilo ang ginabug-usan sang players halin sa Barotac Nuevo National Comprehensive High School.
