Isa ang patay kag isa ka municipal councilor ang pilason matapos gin-ambush sa Barangay Tuka, Mamasapano, Maguindanao del Sur.
Ang napatay amo si Samsudin D. Manib, 25-anyos, residente sang Sultan sa Barongis.
Dead on the spot ini matapos ginpaulanan sang bala sang wala pa nakilal-an nga mga suspek ang ginasakyan nila nga Toyota Innova.
Pilason naman si Montasir Dimalido, isa ka incumbent municipal councilor.
Masuwerte man nga nakaluwas sa ambush ang ila upod nga si Abdulmanap Biang nga isa man ka municipal councilor sa Sultan sa Barongis.
Kaupod ni Dimalido sa iya nga ginamaneho nga salakyan sanday Manib kag Biang, kag pauli na kuntani sa Sultan sa Barongis halin sa Cotabato City, sang sila ang ginpaarakan sang mga armado nga kalalakihan nga nagahulat sa kilid sang highway sa Barangay Tuka.
Padayon pa ang pagtumod sa mga tawo nga responsable sa krimen.
