Dakop sa drug buy bust operation ang duha ka mga lalaki nga masami ginareklamo nga masabad sa ila lugar sa Zone 1-A, Brgy. San Juan, Molo, Iloilo City.
Ang mga subject amo sanday Alyas Pepoy, 25, kag Alyas Josh, 18, lunsay mga residente sang nasambit nga lugar.
Na-recover sa operasyon ang 20 gramos sang suspected shabu kag may standard drug price nga P136,000.
Sa interview sang Bombo Radyo kay Police Lieutenant Lloyd Pagulayan, deputy chief sang Iloilo City Police Station 4, iya ginpahayag nga madugay na nga ginareklamo sang mga residente sang San Juan ang duha bangud nagahimo sang gamo sa ila lugar.
Suno kay Pagulayan, dira lang sa barangay ang ila nga operation area bangud mismo ang mga parokyano nila ang nagakadto kag nagabakal sa ila.
Yara sila subong sa custodial facility sang ICPS 4 kag magapangatubang sa panumbungon nga palglapas sa Republic Act 9165 ukon Comprehensive Dangerous Drugs Act of 2002.
