Duha ka lalaki nga lunsay mga taga Negros Occidental nadakpan sang Bantay Dagat bangud sa iligal nga pagpangisda sa Sibunag, Guimaras

SIBUNAG, GUIMARAS – Dakop ang duha ka mga mga manugpangisda sa banwa sang Sibunag, Guimaras bangud sa illegal fishing.

Ang mg nadakpan amo sanday Chris Lacrete, 20 anyos kag Jeffrey Salvacion, 29 anyos lunsay mga residente sang Barangay Tagda, Hinigaran, Negros Occidental.

Sa interview sang Bombo Radyo kay PLt. Val Cambel, hepe sang Sibunag Municipal Police Station, iya ginpahayag nga ginadumili-an sa pagpanghulik ang indi rehistrado nga manugpangisda sa banwa sang Sibunag.

Suno kay Cambel, ang mga fishing gear sang duha ang indi man rehistrado.

Nakuha sang Bantay Dagat-Sibunag ang 10 ka kilo sang kasag kag mga isda gikan sa duha ka mga lalaki.