Nagdeklarar na sang State of Calamity ang duha ka Local Government Units sa Iloilo bangud sa Red Striped Soft Scale nga nakaapekto sa halos 10,000 ektarya sang katubuhan.
Ini amo ang San Enrique kag siyudad sang Passi kung sa diin masobra sa 30% sang sugarcane sa lugar ang apektado sang RSSI.
Yara na man sa halos 9,400 ang apektado nga mga mangunguma.
Sa interview sang Bombo Radyo kay Geron Magbanua, Acting Provincial Head sang Department of Agriculture, iya ginpahayag nga masobra sa 30% sang katubohan ang apektado sang RSSI.
Sa subong, indi pa makumpirma nga yara na ang mga kabanwahanan sa panic mode bangud mahatagan pa man sang nagakaigo nga solusyon ang nasambit nga problema.
Ginpahanumdom naman ni Magbanua sa mga mangunguma nga antes magtanom sang tubo, dapat mag mag-agi ini sa dipping solution nga may kemikal.
Ginapangabay man sini sa mga mangunguma nga likawan ang pagkadto nga farms agud malikawan nga maglaton ang nasambit nga infestation.
