𝗪𝗘𝗦𝗧 𝗣𝗛𝗜𝗟𝗜𝗣𝗣𝗜𝗡𝗘 𝗦𝗘𝗔 — Pilason ang duha ka manugpangisda matapos nga naglupok ang makina sang ila nga motor-bangka malapit sa Bajo de Masinloc ukon Scarborough Shoal sa West Philippine Sea.
Suno kay Philippine Coast Guard spokesperson Rear Admiral Armand Balilo, kadungan sang insidente, nakit-an man sa baybayon ang duha ka China Coast Guard nga nagtuyo pa nga magbalabag sa Philippine Navy nga maga-rescue sa mga manugpangisda.
Ginpahayag man sini nga madinalag-on nila nga na-rescue kag nahatagan sang nagakaigo nga pagbulong ang duha ka manugpangisda nga napilasan.
Dugang pa ni Balilo nga suno sa kapitan sang BRP Sindangan (MRRV-4407), ang rason sa paglupok sang engine sang motor bangka amo ang bangud sa battery sang starter sini.
Natigayon naman nga mabalik ang mga napilasan nga manogpangisda sa Subic Bay paagi sa bulig sang Philippine Coast Guard vessel.
Nahibaluan nga ang motor bangka nga ginasakyan sang mga biktima ang naglugdang matapos ang insidente.
