ILOILO– Ipatigayon na ang pagpatukod sang duha ka bag-o nga mga flyovers sa Iloilo nga ginapatihan mangin sabat sa problema sa traffic.
Sa exclusive interview sang Bombo Radyo kay Ilonggo Senator Franklin Drilon, iya ginpahayag nga gina diskuyonan na ang pag umpisa sang nasambit nga mga inprastraktura.
Suno kay Drilon, isa ka flyover ang tukuron sa Ungka,Pavia Iloilo kag isa man sa Aganan,Pavia Iloilo.
Ginpahayag sang Senador nga natapos na ang ginhimo nga desinyo sang Ungka Pavia flyover kag unahon ini nga tukuron.
Santo sa pahayag ni Drilon, tinghuaan nga ma umpisahan ang pagtukod sang nasambit nga flyover sa ika ulihi nga semana sang Oktobre subong nga tuig kay may yara na ini sang nakatalana nga budget nga naga balor P110 milyon.
Ang nasambit nga flyover ang may yara sang apat ka lanes kag steel frames.
Samtang, indi anay pag umpisahan ang Aganan Flyover bangud suno sa senador posible nga mas madugangan ang traffic kun dunganon ang pagtukod sang duha ka mga flyovers.
Ginkumpirma man ni Drilon nga may yara na sang nakatalana nga budget nga P89 milyon sang Aganan flyover nga bid man subong nga tuig.
