ILOILO CITY – Ginpakigbahin sang Russian state TV ang video sang duha ka Briton nga nagapanawagan kay Prime Minister Boris Johnson nga i-negosyar ang pagpagwa sa ila.
Ang duha ka mga British nationals ang ginmanduan nga ibaylo kay Viktor Medvedchuk nga isa ka Ukrainian businessman nga malapit kay Russian President Vladimir Putin nga gindakop sang pro-Western country.
Wala gindetalye sang Russian separatist allies sa Eastern Ukraine kun sa diin kag sin-o ang nagdakop sa duha.
Sa amo nga video, ginpakita sang Russian journalist sa duha ka lalaki ang video sang asawa sang negosyante nga naga-demand nga buy-an ang iya bana kabaylo sang duha ka Briton.
Ang iloy sang isa sa duha ka Briton ang una nga nagpanawagan nga buy-an ini.
Suno sa iloy, ang iya anak ang isa ka aktibo nga myembro sang Ukrainian armed forces kag bilang isa ka prisoner of war, dapat nga tratuhon sang maayo.
Sa isa naman ka video nga may logo sang media company sa Russia, makita ang video sang isa sa mga Briton nga nagapahayag nga ginapa-atrasar sang Ukraine ang inaway apang indi klaro kun bala, ginpwersa ini ukon wala.
Una na nga gin-propose ni Ukrainian President Volodymyr Zelensky nga buy-an si Medvedchuk kabaylo sang mga Ukrainans nga gin-detain sa Russia.
Suno naman kay Kremlin spokesman Dmitry Peskov, ang negosyante ang indi isa ka Russian citizen kag ginpromisa nga ipalab-ot ang ano man nga sabat nagikan kay Putin.
