ILOILO CITY – Gintugyan sang New Peoples Army (NPA) ang mga pagkabutang sa nga nalakip sa ila pagraid sa Maasin PNP sang June 18, 2017 sa Bombo Radyo.
Kalakip sa gintunrn over sang mga rebelde ang duha ka mga laptop kag mga charger sangmga ini kadungan sang pagkadto sang Bombo Iloilo Team sa nahamtangan sang mga rebelde sa nabukid nga bahin sang isa ka banwa.
base sa ila opisyal nga pahayag nga pirmado sang taghambal sang Coronacion Chiva Waling-waling Command nga si Ka Julio Montana, ginpili sang mga ini nga itugyan sa Bombo Radyo ang duha ka mga laptops matapos mabuksan ang mga ini kag nakumpirma nga wala ini sang labot sa ila nga operasyon.
Sa amo man nga sulat nga gin-address sang mga ini sa tagdumalahan sang Bombo radyo, gin-athag sang mga rebelde nga indi nila hungod nga madala ang personal nga mga kagamitan sang mga empleyado sang Maasin Police Station.
Ginpili sang mnga ini nga itugyan sa Bombo Radyo ang mga laptops agud gilayon nga mabalik sa natungdan.
Ang mga laptops ang kabahin sang nakuha sang mga NPA sa ila pagsulod sa Maasin PNP, magluwas pa sa ginapahayag sang pulis nga cash, alahas kag mga handheld kag base radio sets.
Gilayon naman nga ginturn over sang Bombo Radyo sa Iloilo Police Provincial Office (IPPO) ang mga ginturn over nga kagamitan.
Samtang, ginpasalamatan sang (IPPO) ang ginhimo nga pagturn over sang New Peoples Army (NPA) sang duha ka mga laptops nga personal nga ginapanag iyahan sang mga personnel sang Maasin PNP paagi sa Bombo Radyo.
Sa interview sang Bombo Radyo kay PSSUPT Marlon Tayaba, director sang Iloilo Provincial Police Office, ginpahayag sini nga nga maayo ang nangin lihok sang NPA sa pagbalik sang pila ka mga pagkabutang nga nakuha nila kadunagna sang ginapahayag sang mga ini nga raid nga ila ginpatigayon sa Maasin PNP.
Mas pakamaayuhon pa gid sang police suno kay Tayaba kung mabalik sang mga rebelde ang tanan nga ila ginpangkuha.