ILOILO CITY – Nagapadayon subong ang nationwide campaign sa mga myembro sang Conservative Party sa United Kingdom para sa masunod nga prime minister matapos nga nag-resign ang kontrobersyal nga si Prime Minister Borris Johnson.
Ang nabilin nga duha ka mga kandidato amo sanday foreign secretary Liz Truss kag former chancellor Rishi Sunak.
Suno kay Bombo International Correspondent Ramil Isogon direkta sa UK, ang duha ang padayon nga nagalibot sa venues sa 12 ka mga syudad sa diin, nagasapol sila sa mga myembro sang parliament kag gina-enganyo nga pilion sila nga magatakop sa Agosto 31.
Sa maabot nga Setyembre 2 na ang closing sang pagbinutuhay kag sa Setyembre 5, may yara na sang bag-o nga prime minister ang UK.
Ang duha ang lunsay mga loyalists ni Johnson apang si Sunak ang nagpamuno sang mass resignation sang 50 ka myembro sang gabinite sang damlag lang.
Bangud sini, gina-endorso na ni Johnson si Truss bilang iya successor.
Sa mga survey, ang nagapanguna amo si foreign secretary Liz Truss.
