Gin-report sang state weather bureau nga may “medium” chance nga mahimo nga bagyo ang duha ka Low Pressure Areas (LPA) nga gina-monitor subong sa sulod sang Philippine Area of Responsibility (PAR).
Suno sa PAGASA, ang una nga LPA ang nasiplatan sa 1,220 kilometers nasidlangan sang Southeastern Luzon, samtang ang isa naman ang nakit-an sa kalayuon nga 405 km nasidlangan sang Calayan, Cagayan.
Ginalantaw sang bureau nga may potensyal nga mag-develop ang mga ini sa tropical depression sa masunod nga 24 oras.
Sa latest weather forecast, ginsiling man nga magaapekto ang trough sang LPA sa Cagayan Valley.
Magluwas diri, ginpahibalo man nga padayon nga magadala sang pag-ulan sa nagkalain-lain nga parte sang Pilipinas ang Southwest Monsoon ukon Habagat.#
