Duha ka mga mapalaron nga tagdaog sang Buena Mano Salvo Part 15 Promo subong nga adlaw, aton kilalahon

ILOILO CITY – Manaya-naya ang yuhom sang tagdaog sang Buena Mano Salvo Part 15 Promo sang Bombo Radyo kag Star FM.

Suno kay Melanie Alonzaga sang Barangay Nasugban, Sta. Barbara, Iloilo, tuman ang iya kalipay nga nakapadulong sa istasyon sang Bombo Radyo kag nakuha ang premyo nga P500 nga cash kag P500 nga balor sang gift pack nga na sulod sa balde nga Orocan.

Ang premyo nga iya nadag-an ang idugang niya bakal sang proof of purchase agud makapasakop liwat sa Buena Mano Salvo Part 15 Promo.

Makapila naman ka beses nga nagdaog si Robert Empanadao sang Tabucan, Mandurriao, Iloilo City sa mga promo sang Bombo Radyo kag Star FM bangud sa kapisan sa paghimo sang entries.

Pahayag ni Empanado, sang yara pa sa enhanced community quarantine ang syudad kag ginadumili-an ang pagguwa sa balay, ang paghimo sang entries ang iya ginatutukan.

Kaangay ni Alonzaga, nabaton man ni Empanado ang P500 nga cash kag P500 nga balor sang gift pack nga na sulod sa balde nga Orocan.