Patay ang duha ka menor-de-edad matapos nalumos sa Barangay Purok 4, Pavia, Iloilo.
Ang mga biktima ginkilala nga sanday Alyas Philip, residente sang Brgy. Aganan, kag Alyas France, residente sang Purok 4 sa amo man nga banwa, lunsay 13-anyos ang edad.
Sa interview sang Bombo Radyo kay Police Captain Ryan Orleans, deputy chief of police sang Pavia Municipal Police Station, iya ginpahayag nga naghagaday ang apat nga magpaligo sa suba nga ginabulubanta masobra 16 ka tapak ang kadalumon.
Base sa imbestigasyon, nahibaluan nga indi makahibalo maglangoy ang duha ka mga kabataan.
Masobra 30 minutos antes nga makuha ang duha ka mga kabataan.
Gilayon sila nga gindala sa Western Visayas Sanitarium and General Hospital apang gindeklarar ga dead-on-arrival.
(Article: Bombo Phauline Pillora)
