ILOILO CITY – Duha pa ka mga police station sa Iloilo City Police Office ang wala sang designated nga deputy commanders.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga ang Jaro Police Station kag ang Arevalo Police Station ang wala sa gihapon sang gin-designate nga deputy commanders.
Suno kay Sangrines, sa tion nga may yara na sang bag-o nga police commissioned officer nga i-assign sa Iloilo City Police Office nga may rangko nga Police Lieutenant kag Police Captain, posible sila nga i-fill in sa posisyon.
Magluwas nga spokesperson sang police station, ang deputy station commanders ang magatiglawas sa hepe sa mga concern sang publiko sa tion nga indi ini available.
