Nadakpan ang duha ka mga persona nga ginakabig most wanted person sang Western Visayas kag number 3 most wanted person sang Antique sa Barangay Sinundolan, San Remigio, Antique.
Ang mga naaresto amo sanday: Alyas Dagul, 22-anyos, estudyante, residente sang Brgy. Sinundolan, San Remigio, Antique, ginakabig nga most wanted person sa Western Visayas; kag si Alyas Jaque, 34-anyos, may asawa, mangunguma, kag residente man sang Barangay Sinundolan, San Remigio, Antique.
Sa interview sang Bombo Radyo kay Police Lieutenant Jun Ortega, Deputy COP sang San Remigio Municipal Police Station, iya ginpahayag nga ang duwa ka gin-aresto ang suspek sa pag-rape sang isa ka 13-anyos nga babayi sang tuig 2019.
Sa subong, ara ang duwa sa custodial facility sang San Remigio Municipal Police Station kag pagasakaan ang duwa sang kaso nga rape.
Samtang gin-athag man sang natungdan nga two counts sang rape ang igapasaka nga kaso batok kay alyas Dagul.
