Gin-report nga missing ang duha ka atleta sang Congo pila ka adlaw lang gid matapos nag-compete sa 2024 Paralympic Games.
Ini amo ang shot putter nga si Mireille Nganga kag sprinter nga si Emmanuel Grace Mouambako nga pareho man nga flag bearers sang ila pungsod sang ginpatigayon ang opening ceremony.
May yara sang leg impairment si Nganga nga nagpasakop sa javelin kag shot put events; samtang bulag naman si Mouambako nga nagpang-apat pa anay sa men’s 100-meter dash.
Pareho man sila nga absent sa closing ceremony sang nagligad nga Domingo.
Suno sa Congolese delegation, ulihi nga nakit-an ang duha sang Septyembre 5 sa atlete’s village sa Saint-Denis sa naaminhan sang Paris.
Ginapahayag nga pareho man missing ang ila nga suitcase apang ang ila passport ang ginauyatan sang ila mga kaupdanan nga taga-Congo.
Wala pa sang opisyal nga pahayag halin sa Paralympic Committee sang Democratic Republic of Congo apang nagbukas na sang kaugalingon nga imbestigasyon ang host country nga France.
Matandaan nga antes pormal nga nagsugod ang Paris Paralympics, gin-report man nga missing ang Rwandan volleyball player nga si Claudine Bazubagira nga nakapasakop man anay sa 2016 Games in Rio de Janeiro kag sa 2020 Games sa Tokyo.
