Duha ka lapsag ang nasapwan nga patay sa duha ka magkatuhay nga lugar.
Ang una nga lapsag ang nakit-an nga yara sa sulod sang maleta sa Bulan, Sorsogon.
Suno sa otoridad, nakit-an sang mga residente ang isa ka maleta nga nagalutaw sa baybayon sang Brgy. JP Laurel sa banwa sang Bulan.
Sang ginbuksan, didto na nakit-an ang patay nga lalaki nga lapsag.
Ang isa pa gid ka lapsag ng nakit-an naman sa sulod sang comfort room sang grocery store sa Brgy. Sulucan, East District sang Sorsogon City.
Napanimahuan sang isa ka gwardiya ang indi manami nga baho kag sang iya ginlantaw ang cubicle sa female comfort room, may nakit-an ini nga plastic kag sang iya ginbukad, nakit-an niy ang patay nga babaye nga fetus nga naputos sa habol.
Ginaimbestigaran pa subong agud matumod kun sin-o ang iloy sang nasambit nga mga lapsag.
