Dalayawon ang duha ka pulis nga wala gid nag-alang-alang sa pagbulig sa isa ka babayi nga naalangan kag nagbata sa JM Basa St., Iloilo City kadungan sang highlight sang Dinagyang Festival.
Ang mga nagbulig nga mga pulis amo sanday PSSg Resurrecion Aliponso, Jr. sang San Lorenzo Municipal Police Station kag ang iya kaupod nga si PCpl. Joe Ben Moleño sang Sibunag Municipal Police Station, lunsay augmentation personnel nagikan sa Guimaras Police Provincial Office nga gin-deploy para sa security coverage sa Iloilo City.
Gilayon nga nagbulig ang duha sang nakita ang sitwasyon sang 27-anyos nga iloy nga si Charlane Lobaton, 27, residente sang Zone 3 Brgy. San Juan Molo, Iloilo City.
Natigayon nga nabun-ag ni Charlane ang iya baby girl nga ginpangalanan kay “Dianne Jane”. ##
