ILOILO CITY- Makabatun sang award nagikan sa National Headquarters sang Philippine National Police ang duha ka mga kapulisan nga nagikan sa Police Regional Office 6 nga nagbulig rescue sa pila ka mga biktima sang Iloilo Strait Tragedy.
Ang duha ang ginkilala nga sanday Police Master Sergeant Magan sang Guimaras Police Provincial Office kag si Police Staff Sergeant Rudito Erpuela nga nagikan sa Regional Headquarters Support Group
Sa interview sang Bombo Radyo kay Police Lt.Col. Joem Malong spokesperson sang Police Regional Office 6, iya ginpahayag nga nabatian sang Regional Director ang tuhoy sa pagbulig sang duha ka police sa mga biktima.
Si PNP Chief General Oscar Albayalde mismo suno kay Malong ang nagpatawag sang duha agud mahatagan sang pasidungog.
Posible nga sini nga adlaw suno sa iya magareport sa Camp Crame ang duha ka mga pulis.
