ILOILO CITY – Gin-relieve ni Iloilo Police Provincial Office Director Police Colonel Ronaldo Palomo ang duha ka mga pulis nga na-assign sa Carles Municipal Police Station bangud ginapahayag nga naga-engage sa illegal activities.
Ang mga pulis amo sanday olice Senior Master Sergeant Arnel Deopido kag Police Master Sergeant Teody Billones.
Sa interview sang Bombo Radyo kay Palomo, iya ginpahayag nga siya mismo ang nakabaton sang report sang nagpadulong sa Quinto Distrito nga ang ini nga mga pulis ang protektor sang illegal fishing activity sa banwa.
Suno sa iya, agud nga indi ma-apektuhan ang imbestigasyon, ginpakamaayo niya nga i-relieve ang duha ka mga pulis.
Sa tion nga may yara sang makita nga ebidensya, gilayon nga pasakaan ang mga ini sang kaso kag kun wala, sayluhon sila sa iban nga banwa.
Sa subong, yara na ang mga ini sa headquarters sang Iloilo Police Provincial Office kag gin-assign sa General Services Office samtang nga padayon ang imbestigasyon.
Ginklaro naman ni Palomo nga gin-relieve ang deputy chief of police sang Carles Municipal Police Station nga si PLt. Arturo Diorda bangud maga-eskwela ini kag indi bangud nga may kahilabtanan man sa ilegal nga aktibidad.
