Imbestigaran sang ma-id-id sang Iloilo City Government ang kontrobersyal nga pag-inom-inom sang duha ka punong barangay sa distrito sang Arevalo, Iloilo City samtang ginapatuman pa ang liquor ban sa syudad.
Ang duha ka Punong Barangay amo sanday Cesar Espinosa sang Sto. Niño Sur kag Melvin Minerva sang Sto. Niño Norte, Arevalo, Iloilo City.
Una na nga ginpangayuan sang paathag ang duha ka opisyal may kaangtanan sa paglapas sa liquor ban kag physical distancing sa diin ginapahayag ginabanta indi magnubo sa 10 ka-tawo ang mga nakaupod sang duha punong barangay sa pag-inom-inom.
Sa interview sang Bombo Radyo kay Iloilo City Mayor Jerry Treñas, iya ginpahayag nga gindagdagan na sang citation ticket ang duha ka opisyal.
Suno kay Treñas, santo sa depensa sang mga punong barangay, sa isa ka pribado nga resort sila nag-inom.
Paathag ni Treñas, santo sa iya nga pagsulundan, ginadumilian ang tanan nga mag-inom sang makahulubog nga ilimnon sa pampubliko nga lugar apang kun sa sulod sang balay ukon sa pribado nga lugar, ginapahanugutan man ini.
Ini ang rason suno sa alkalde nga imbestigaran pa dugang sang syudad ang mga sirkumstansya.
Nahibaluan nga umpisa kahapon, Hulyo 1, ginlift na sang syudad ang liquor ban.
