ILOILO CITY-Ginkonperma sang City Legal Office nga duha ka salakyan nga ginbakal sang Iloilo City Government ang may yara sang kanselasyon sang procurement.
Sa interview sang Bombo Radyo kay City Legal Officer Atty. Edgar Gil, iya ginpahayag nga ang duha ka salakyan ang ginalakipan sang Avanza nga ginrequest sang City Assessor’s Office kag isa ka modified hilux.
Suno kay Atty. Gil, overpriced sang halos P300,000 ang avanza nga salakyan bangud kun basehan ang regular sini nga presyo nagadangat lang ini sa P800,000.
Sa bahin naman sang modified Hilux suno sa natungan, wala ini nagsunod sa delivery period sa diin wala pa ini nadeliver tubtob subong kag wala pa nabayaran ang mga taxes ukon buwis.
Wala man suno kay Gil sang legal consequence sa bahin sang Iloilo City Government bangud may yara sang legal nga basehan ang pagterminate sang kontrata kag anuman nga oras mahimo ini himuon.
