Arestado na ang pila ka mga suspek sa pagpangawat sang mga malahalon nga alahas sang pamosong Louvre Museum sa Paris, France.
Suno sa mga otoridad, nadakpan ang isa sa mga suspek sa Charles de Gaulle airport sang ini nag-attempt nga magpalagyo pagguwa sa pungsod.
Base sa mga report, duha ka mga suspek ang yara na sa kustodiya sang mga pulis, apang indi pa ini makumpirma sang French authorities.
Matandaan nga ginsulod sang mga kawatan ang Louvre Museum sa Paris sang Oktubre 19, sa diin nataban nila ang pila ka mga malahalon nga mga alahas antes makapalagyo gamit ang motorsiklo.
