Nadakpan ang duha ka units sang Western Visayas Transport Cooperative nga ginpahayag nga nag-overload sang mga pasahero.
Sa interview sang Bombo Radyo kay Raymundo Boyet Parcon, Chairman sang Western Visayas Transport Cooperative, iya ginpahayag nga naglab-ot sa 14 ang nagatindog nga mga pasahero sa isa ka unit matapos nga nagsaka ang pila ka mga indibidwal sa modernized jeep sa Jaro plaza bangud sa mamunog nga ulan.
Suno sa kundoktor sang nasambit nga unit, indi naman nila mapapanaog ang nagsobra nga pasahero matapos nga nakasaka na ang mga ini.
Ginpakigbahin naman ni Parcon nga ila ipakigbato ang isa ka unit nga ginpahayag 8 lang ang nagatindog nga pasahero apang pagahatagan sang penalidad.
Suno sa iya, isturyahun nila ang Land Transportation Office agud nga indi pagmultahan ang driver kag kundoktor sang isa ka unit bangud man nga dako gid ang multa nga P6,000.
Dugang pa niya nga pabor sya sa pagpangmulta sa mga masabad nga kundoktor agud man nga madakpan ang wala nagasunod sa polisa.
