Kumpirmado nga nag-resign na ang duha ka undersecretary sang Department of Health nga sanday Randy Escolango kag Matthew Baggao.
Ini ang ginkumpirma mismo ni Palace Press Officer Claire Castro kahapon nga adlaw, Agosto 15.
Si Escolango ang isa sa mga kaupod ni former Health Secretary Teodoro Herbosa nga nagapangatubang sang kaso nga graft, grave misconduct kag iban pa nga mga reklamo sang pila ka mga empleyado sang DOH.
Samtang si Baggao naman ang ginpasakaan sang two counts sang graft, may bayolasyon sa Procurement Law and the Code of Conduct for Public Officials and Employees nga ginpasaka naman sang mga Concerned Health Workers sa office of the Ombudsman.
Sa subong, wala pa sang komento ang nasambit nga ahensya kasunod sang pagbuya sa pwesto sang duha ka opisyal.
