Duha ang patay kag 19 ang pilason matapos naglupok ang royda sang ginasakyan nila nga van sa highway sang Laoang, Northern Samar.
Ang mga napatay amo ang 64-anyos nga tigulang nga babaye nga pasahero sang van kag isa ka 8-anyos nga bata.
Base sa imbestigasyon, halin sa beach party ang mga biktima sa banwa sang San Roque kag padulong na sa Las Navas sakay sang van sang hinali lang naglupok ang royda sang salakyan sa pagtake-over sini sa isa ka tricycle.
Didto na nadulaan sang kontrol sa manibela ang driver sang van kun sa diin nagdiretso ini sa talaman.
Bangud sa impact, dead-on-the-spot ang tigulang samtang isa ang napatay sa ospital.
